- Eg vil jo prøva å få med meg mest mogleg av utstillinga med det siste nye av maskinar og anna teknisk utstyr. På utstillinga treff me elles mange fagpersonar. Også konferanseprogrammet ser spennande ut og eg kjem til å ta med meg ein del av det, seier Bjørg.

- Så har eg sjølvsagt registrert at det blir ein del endringar i det sosiale tilbodet, og ser fram til å møta både naboar og andre kjente i bondepuben, held ho fram. Ho og sambuaren har førebels ikkje bestemt seg for om dei skal på festen på laurdagskvelden, men legg stor vekt på Agrovisjon som kollegial treffstad.

Bjørg er bonde på Storhaug i Klepp. Ho driv rundt 500 mål dyrka jord, helvta eigd, resten leigd. Mjølkeproduksjonen i fjøset er i samdrift, med kvote på 430 tonn. I tillegg leverer ho rundt 100 000 slaktekyllingar i året. Med så omfattande drift er det klart at det er viktig å halda seg fagleg oppdatert, og det er (mest) like viktig å koma seg ut og treffa yrkessøstrer og –brør i sosial samanheng.