| - Agrovisjon er ein glimrande arena
og eit gullfint høve til å syne familien kva landbruket er, og kva
verdiskaping bøndene representerer.
Ta med deg heile familien til Agrovisjon
til hausten. Rådet kjem frå Gaut Arne Sandvik. Han er bonde på
Myklabust nær Haugesund. Gaut Arne var på Agrovisjon for 3 år sidan,
og er ikkje i tvil om at han vil halde tradisjonen vedlike. – For
meg er Agrovisjon eit arrangement der næringa samlast. Her blir det
heilt sikkert høve til å få med seg siste nytt.
Agrovisjon er rett og slett ein arena
for fagleg oppdatering og gode sosiale møte, meiner
mjølkeprodusenten. Den røynde bonden er ikkje redd for å ta tekniske
nyvinningar i bruk. I desember i fjor vart mjølkeroboten starta i
nybygd og ombygd fjøs. Byggeperioden har vore travel, og den sosiale
biten kring det gode livet som bonde har vore skadelidande ei tid.
Den tida er no definitivt over, og medan roboten mjølkar kyrne, er
Gaut Arne og resten av familien å treffe på Agrovisjon. |
