- Den helga blir særs travel for meg, med mykje program, så eg er faktisk ikkje heilt sikker på om eg får tid til å bruke så mykje tid på Agrovisjon som eg normalt ville gjort, seier Christian Aasland, bonde på Åsland i Time.

Christian Aasland er ikkje i tvil om kva han vil prioriterer dersom tida blir knapp og han blir tvungen til å velje.

- Konferansedelen er heilt klart det mest interessante for meg. Med aktuelle namn som til dømes Nils T. Bjørke, Ole Chr. Hallesby og landbruksminister Lars Peder Brekk på programmet, blir denne delen av Agrovisjon garantert aktuell og spanande, seier Aasland. Den unge mannen har vore bonde med kyr og sauer i fjøset sidan han tok over garden i 2001. Aasland er også aktiv som tillitsvald, og han er aldri er redd for å seie si meining i debattar som handlar om bøndene sine vilkår.

– Framtida opptek sjølvsagt oss som har satsa på bondeyrket. Eg etterlyser sentrale politikarar som er opptekne av å sikre bøndene sine ramevilkår i eit langt lengre perspektiv enn det som er tilfellet i dag. Eit avtaleår eller ein valperiode på fire år er langt frå nok for oss som gjerne skal investere for minst 10 – 20 år fram i tid, påpeikar Aasland.