• "Den flottaste standen" og
• "Den mest lovande nyheita" på Agrovisjon 2010

Vi var under Agrovisjon 2007 stolte over det som vart vist i utstillingshallane. Utstillarane hadde lagt stort arbeid og mykje flid i å presentere kvar sin stand på ein flott måte. Samla sett framsto derfor utstillinga som profesjonell og flott, fullt på høgd med det som vert vist på andre tilsvarande utstillingar i inn og utland.

Vi er sikre på at også våre utstillarar på Agrovisjon 2010 vil leggja stor vekt på å presentere ein flott og innbydande stand. Mange vil og ha og spennande nyheiter å vise fram.

Hovudkomiteen for Agrovisjon 2010 har derfor bestemt at det i 2010 skal delast ut diplom og heider til den standen som framstår som mest innbydande for gjestene. Vi vil og honorere det firmaet som presenterar den mest lovande nyheita på Agrovisjon 2010 på tilsvarande måte.

Det vil bli nedsett ein eigen komite leia av Dag Raustein i Bondevennen for å gå nøye gjennom utstillingshallane og vurdere kva stand og kva firma som bør trekkast fram.