Grasdyrkinga er under endring. Vi har fått tidlegare første slått og fleire slåttar. Dette fører til at dei sådde artane går fortare ut. For å halde oppe avlingsnivå og fôrkvalitet må ein derfor fornye enga med ønska sortar av gras og kløver i det eksisterande plantedekket. Ei slik vedlikehaldssåing forlenger enga si levetid!

Agromiljø AS har utvikla ein ny metode for å få dette gjort. Vi blandar frø og husdyrgjødsel og nyttar stripespreiar eller nedfellar. Frø og gjødsel vert blanda i eit fordelarhus på spreiaren og blandinga vert lagt oppå jorda i striper eller i furer i jorda. Det er ved bruk av storfrøa arter som raigras, raisvingel, engsvingel og raukløver metoden har vore mest effektiv.