Haugland gardsbarnehage har fått tildelt eit heller stort areal i ein av utstillingshallane. Og grunnen er at vi gjerne vil gi også ungane ei god oppleving på Agrovisjon 2010.

I dette området vert det råd å teikna både traktorar og dyr. Dei unge vil få anledning til å prøva seg som konstruktør av ulike anlegg, og i ei eiga avdeling vert det lagt til rette for bygging med legoklossar. I tillegg vert det mulig å leika med lausdriftsfjos, dyr og traktorar.

Er det ungar som helst vil roa seg ned vert det lagt til rette for å sjå film i eit hjørne av barnehagearealet.

Vi trur at dette vil gjera besøket på Agrovisjon 2010 til ei positiv oppleving for ungane. Sjølv om dette ikkje er ei barneparkering, trur vi at det vil koma foreldra til gode at ungane kan få riva seg litt av på denne standen. Det vil gi bøndene betre mulighet for i ro og mak å sjå nøye på utstillingane og snakka med både seljarar og gode vener. Altså ein vinn – vinn – vinn situasjon for ungar, bønder og utstillarar.