Vinnarane av landbrukets hederspris i 2010 er eit par fra Ryfylke som fyller fleire av kriteria som gjeld for tildeling av denne prisen. Paret kjøpte eit bruk på Skiftun i 1999, og har i tida som har gått rusta opp og bygd ut bruket steg for steg til det som idag framstår som eit mønsterbruk. Dei har rehabilitert bolighuset og bygd opp igjen den gamle løa, nå innreia med lausdriftsfjøs og lokale for foredling av sau- og storfekjøtt. Også fleire andre bygningar er rehabilitert, som naust og reiskapshus.

I tillegg til melkeproduksjon, som ble tatt opp igjen etter at dei overtok bruket, driv dei med villsau. Kjøtt av villsau og storfe (jersey) blir foredla i eige foredlingsanlegg på garden, og seldt under merkenamnet Buhagen. Dei har vist evne og vilje til å ta vare på verdfulle tradisjonar, og samstundes våga å satse på nye områder. Salet av Buhagen produkter skjer i samarbeid med naboen, Jostein Hjorteland, som også har villsau og som produserer eplemost.

Silje og Øyvind har lagt stor vekt på å skjøtte og forvalte kulturlandskapet på bruket. Aktiv beitebruk og rydding, i tillegg til bevisst gjennomført opprustning av bygningane, har gitt resultater som kan stå som forbilde for god kulturlandskapsforvaltning.

Silje er bonde på heiltid, og satsar på drift etter økologiske prinsipp med stor bevissthet på bærekraftig matproduksjon i eit globalt perspektiv. Begge er utdanna veterinærar, og legg stor vekt på høg etisk standard i husdyrhaldet. Spesielt Silje bruker mykje tid på dagleg tilsyn med dyra.

Skulen, som ligg tett ved, drar også nytte av å få bruke garden i undervisningsarbeidet. Sist, men ikkje minst, har vinnerane av årets hederspris deltatt aktivt for å skapa trivsel i lokalmiljøet. " Solbygda Jøsneset" er idag eit aktivt og livskraftig bygdesamfunn.


Mvh
Hadle Nevøy
landbruksdirektør